Prej më shumë se një muaj vendi ynë po përjeton situatën e pandemisë, të emergjencës, duke shtuar kështu edhe më shumë vështirësitë ekonomike. Përgjatë kësaj kohe ne shpesh kemi vënë theksin në nisma të ndryshme të ndërmarra, për të ndihmuar ata që kanë më shumë nevojë. Këtë herë do të ndalemi në nismën e gjimnazit “Sami Frashëri”, e cila ka filluar me moton; “Njerëzit që ndihmojë njerëzit janë ata që e bëjnë këtë botë një vend më të mirë”. Kjo nismë prej disa ditësh është iniciuar nga bordi i shkollës dhe drejtoria e shkollës dhe është mbështetur nga të gjithë nxënësit dhe mësuesit. Deri më tani janë përgatitur 100 pako me ushqime për njerëzit në nevojë dhe rreth 50 thasë miell, ku disa prej këtyre pakove si fillim janë shpërndarë pranë familjeve të nxënësve të kësaj shkolle që kanë probleme ekonomike dhe pjesa tjetër për familjet në nevojë të komunitetit të shkollës dhe më gjerë. Por për të mësuar më gjatë rreth kësaj nisme, këtë mëngjes ishte me ne në një lidhje skype, Majlinda Ziu, Drejtoreshë e gjimnazit "Sami Frashëri" në Tiranë.