Pandemia me sa duket ka ndikuar në sjelljen e konsumatorit në rang botëror. Sipas statistikave të fundit që i bëri me dije eksperti i teknologjisë Fabian Lashi, produkte që kanë filluar të shiten online, i kanë përmbysur statistikat botërore këto muaj të pandemisë. "Para pandemisë ishin pajisjet elektronike në vend të parë, ndërkohë që dy muajt e fundit është shitur p.sh. 2200 herë më shumë topi i futbollit. Duket e habitshme në kushtet e izolimit që njerëzit mendojnë në mënyrë pro aktive që do të dalin një ditë dhe do fillojnë të lëvizin por kjo është e vërteta. P.sh. në statistikat e shitjeve online shihet sesi është zëvendësuar lavatriçja apo shitja e pajisjeve të smartphone me shitjen e swiss ball, topit të futbollit apo patinave me rrota. Bëhet fjalë për një ndryshim të produkteve që blihen tani dhe të sjelljes së konsumatorit"- tha Fabian Lashi, lektor CIT ekspert i teknologjisë së informacionit