Ai nuk është një mjek i panjohur për shqiptarët edhe pse ndodhet në shtetin e Pensilvanisë në ShBA. Madje ka qenë mik i programit tonë i ftuar pak kohë më parë për të folur rreth simptomave që përjetojnë personat e prekur nga Covid19 dhe çfarë pasojash sjell virusi në sistemin e tyre nervor, duke i çuar edhe në vetëvrasje. E kemi fjalën për neurokirurgun, doktor Gentian Toshkëzi i cili së fundmi në kulmin e pandemisë, është vlerësuar në top listën e në top listën e neurokirurgëve më të mirë për vitin 2020 në shtetin e Pennsylvanisë të SHBA duke rrëmbyer çmimin “America’s Best Doctors” që rankon mjekët mbi bazën e reputacionit të tyre profesional. Aktualisht mjeku i njohur drejton një ekip kërkimi shkencor në Universitetin e Qendrës Spitalore “Thomas Jeferson” në Philadelphia në fushën kurimit të sëmundjeve dhe traumave nervore si dhe rigjenerimit të patologjive në shtyllën kurrizore. Ky çmim vjen në kohën kur mjeku shqiptar udhëheq aplikimin e teknologjive të fjalës së fundit në operacionet neurokirurgjikale duke aplikuar metoda robotike të udhëhequra nga teknologjia 3D. Doktor Toshkëzii është larguar nga Shqipëria në 2003. Pas universitetit të Tiranës, vazhdoi studimet në Paris dhe më pas u zhvendos për në USA. Që prej tre vitesh punon në një nga spitalet më të njohura në Amerikë, në atë të Filadelfias