Përgjatë bisedës në "Wake Up” Eva foli dhe për projektet e saj. “Nëse unë kam pasur ndonjë vit në jetën time që unë kam marrë më shumë oferta, të paktën për televizion dhe që i kam refuzuar ka qenë ky. Sa për pjesën e aktrimit kam pranuar çdo gjë që më ka ardhur në pjatë. Ky është një vit që nuk duhet të qahem, duke marrë parasysh pandeminë ku shumë njerëz kanë humbur jetën, ana ekonomike është vështirësuar dhe unë nuk dua të qahem e të mendoj për pjesën e karrierës. Jam pak supersticioze dhe s’kam dëshirë t’i bëj publike planet, vetëm në momentin që hedh këmbën e parë në shesh xhirim. Pra për momentin planet e mia janë shtyrë”. Eva kujtoi edhe fillimet e saj në televizion dhe u shpreh se kam luftuar shumë me veten për të përmirësuar çdo kritikë negative që merrja. Më tej ajo shtoi: “Nëse do kthehesha pas në kohë do i thoja vetes time mos u nis shumë nga kritikat e njerëzve që nuk dinë asgjë. Luftoja me veten kur merrja kritika, por nuk besoj tek kritika negative. Më pëlqen më shumë stimuli pozitiv dhe mendoj se është në metodë më e mirë pedagogjie”.