Në fundjavë të gjithë jemi të prirur të mësojmë se çfarë organizimesh do ketë dhe kur bëhet fjala për karnavale mendja na shkon tek ato më të famshmet, pikërisht në karnavalet e Shkodrës, organizimi i të cilave në këtë qytet ka nisur që në vitin 1860. Si çdo vit festa e karnavaleve, e cila tanimë ka krijuar portretin e saj shkodran do të sjellë një larmishmëri performancash dhe aktivitetesh, duke filluar nga sot e deri me 23 shkurt. Njëkohësisht edhe në Gjirokastër do të organizohet festa e karnavaleve, ku duhet të theksojmë se pas 60 vitesh në këtë qytet rikthehen karnavalet e përmasave të mëdha, ku sigurisht do të ketë edhe risi.