Ksenofon Ilia, shumë prej jush e njohin si gazetarë prej vitesh në emisionin investigues “Fiks Fare”, por për të gjithë ata që nuk e dinë Foni i Fiksit, ka kryer studimet master për psikologji klinike. Çdo ditë ai është aktiv në rrjetet sociale, kryesisht Facebook, ku trajton tema familjare, problemet në çift, edukimin e fëmijëve, shëndetin mendorë për shoqërinë moderne etj. “Adoleshenca është shumë e vështirë dhe në rrethana të caktuara nuk dimë se si t’u përgjigjemi apo se si të sillemi me fëmijët. Duhet të jemi shumë të kujdesshëm në marrëdhënien me ta, sepse është një fazë kalimtare. Prindërit duhet të kenë vëmendjen, të kenë kujdes sepse fëmijët ndryshojnë dita-ditës dhe nuk e kuptojmë dot se si ndryshon kaq shpejt ai fëmijë që e kemi rritur aq me përkëdhelje kohë më parë, saqë arrijnë të thonë, boll mos më puth”.