Wake Up/ Fjodora Fjora besnike e fotos print: Kam shume albume fotografike. Aty është jeta ime

Vite më parë prindërit dhe gjyshërit tanë i printonin (i lanin) fotografitë rregullisht për t'i ruajtur ato edhe për brezat që do të vinin. Ne sot kemi kujtime të dokumentuara që lidhen me fëmijërinë tonë apo atë të prindërve tanë pikërisht në sajë të atyre fotografive të vjetra të vogla bardhë e zi. Sot thuajse të gjithë ne i ruajmë fotografitë vetëm në formën digjitale dhe i postojmë ato në rrjetet tona sociale. Sidomos të rinjtë kanë harruar fare që të printojnë foto fizikisht dhe për ata kjo duket si një epokë e së shkuarës, shumë e largët. Megjithatë ka shumë njerëz që vijojnë të lajnë foto të ndryshme për t'i pasur ato si kujtim pas disa viteve. Një ndër to është edhe Fjodora Fjora e cila ka disa albume që i ruan me shumë kujdes.