Që prej datës 9 mars kur në Shqipëri u raportua rasti i parë me Kovid -19 dhe që më tej qeveria mori masa për vetizolim të qytetarëve, ka bërë që individë të ndryshëm ta shfrytëzojnë këtë kohë, të shprehin kreativitetin e tyre, për të qenë sa më aktiv edhe pse në kushtet e shtëpisë. Jemi në karantinë, por nuk jemi pa teknologji e as pa imagjinatë. Nëse deri më tani kemi parë video apo këngë kushtuar ditëve të karantinës, këtë herë do të flasim për një tjetër ide, për projektin, “Film në karantinë” i cili vjen dhe me hashtagun #GjejFrymëzimnëIzolim, duke bërë që në kushtet e shtëpisë të filmoni historinë tuaj të karantinës…Ky projekt ka nisur prej tre javësh dhe filmi i realizuar në shtëpi duhet jo më shumë se 3 minuta. Por për të folur më shumë rreth kësaj ideje dhe si si ka qenë interesi deri më tani, kishim në lidhje skype producenten dhe organizatoren, Belina Jano.