Edhe eksperti i ekonomisë Fatos Çoçoli ka "rënë" viktimë e gjobave gjatë periudhës së karantinës dhe me çfarë tregoi në studion e Wake Up, kjo paska qenë gjoba me çuditshme e vënë ndonjëherë. "Ka qenë data 2 prill dhe dola me nusen se nuk po duroja dot më mbyllur për të marrë ajër të pastër nga liqeni. Ishte njëri me biçikletë dhe që na tha: Ndaloni zoti qytetar! Ne ndaluam dhe ai na bëri fotografi mua dhe gruas dhe na tha që do t'ju vijë gjoba aty ku punoni. Më pas në darkë dëgjuam ne lajme se "u gjobitën dy vetë me 200 mijë lekë për thyerje karantine" dhe aty mësuam edhe shumën e gjobës. Sigurisht fleta e gjobës nuk erdhi kurrë në edhe pse e prisnim të na vinte vërtet. Por ama ne nuk shkuam më nga liqeni se si gjirokastrit që jam nuk fjeta gjithë natën për ato lekë"- tregoi me humor rastin e tij konkret eksperti i ekonomisë Fatos Çoçoli.