Nënë e bir, punonjës në dy fasoneri të ndryshme të qytetit të Krujës, kanë rezultuar pozitivë pas testit të tamponit. Bëhet fjalë për një punonjëse të fasonerisë që funksionon pranë ish-fabrikës së salcës, ku më parë janë konstatuar edhe punonjëse të tjera të prekura me KOVID- 19. Fabrika e këpucëve u mbyll nga ISHSH, ndërkohë që epidemiologët pohetojnë gjurmimin e kontakteve të tyre. Përveç punonjëses së kësaj fasonerie, edhe i biri që punonte në një tjetër fabrikë këpucësh, ka rezultuar pozitiv. Për të përcaktuar nëse ka dy vatra të ndryshme në fasoneritë e Krujës, do të gjurmohen edhe raste të kontakteve të djalit në fasonerinë ku punon, apo ai është infektuar nga nëna e tij. Sot sipas Drini Mashës, përgjegjës për marrëdhëniet me publikun në Bashkinë e Krujës, njëherësh edhe pjesëtar i Shtabit të Emergjencave numri i të infketurave sot ka shkuar në 40 persona. "Në territorin e Bashkisë Krujë sot janë 40 persona të infektuar dhe 17 raste janë në 24 orët e fundit. Rastet janë në të gjithë territorin e Bashkisë Krujë pra jo vetë më referuar edhe qytetit Krujë por edhe në njësitë e tjera administrative si Thumanë, Fushë Krujës dhe Bubq. Në njësinë Krujë kemi 13 raste, në Thumanë 10 raste, në Fushë Kruje 15 raste dhe në Bubq 2 raste. Kjo është shpërndarja e të infektuarve të cilat kanë lidhje me vatrën në fasonerisë në Krujë. Të gjitha rastet po trajtohen në shtëpi, përjashtuar 3 persona që janë shtruar në infektivin në Tiranë për një trajtim më të specializuar pasi gjendja e tyre u agravua me kalimin e ditëve."- tha Drini Mashës pjesëtar i Shtabit të Emergjencave në Bashkinë e Krujës.