Mëngjesin e sotëm në “Wake Up” ishte e ftuar, sopranoja me famë ndërkombëtare Ermonela Jaho. Gjatë bisedës Ermonela u shpreh: “Nuk ka qenë shumë e lehtë për mua, sepse të jesh për 7 muaj pa dalë në skenë ka qenë jashtëzokisht e vështirë, qoftë nga psikologjike dhe profesionale, pasi duket sikur ti nuk vlen më. Kjo periudhë covidi në rang global përveç gjërave të të tjerave ka nxjerrë në pah vulnerabilitetin e artistit, artisti është i pa konsiderueshëm . Arti dhe kultura nuk janë luks, janë nevoja shpirtërore që ne kemi. E kam vuajtur jashtë mase, sepse unë kam pasur një ritëm pune sikur je në një autostradë me një shpejtësi jashtëzakonisht të madhe dhe frenon gozhdë dhe traumatizohesh. Në fillim nuk isha shume koshiente, sepse thashë po e shfrytëzoj këtë kohë për të ndenjur me familjen, por me kalimin e kohës kuptova që “lockdown-in” ka qenë një karantinë shpirtërore si artiste për 7 muaj”.