Që prej ditës së djeshme maska është bërë aksesori më i rëndësishëm që do na shoqëroj pothuajse kudo sapo dalim nga shtëpia. Në ditët e sotme pretendimet e shumë njerëzve që mbajnë maskë është se ajo u shkakton probleme jo vetëm me frymëmarrjen por edhe me lëkurën. Mjekë të njohur në SHBA, të specializuar në dermatologji, si Dr. Shari Marchbein dhe Dr Patricia Ëexler janë shprehur se që nga fillimi i pandemisë dhe mbajtja e maskës në fytyrë, janë shtuar ndjeshëm pacientët që kanë shfaqur probleme në lëkurë, madje edhe vetë doktorët janë shprehur se kanë përjetuar ndryshime në lëkurë. Problemet kanë qenë nga më të ndryshmet, duke nisur nga rrjepjet në zonën e hundës, veshit por edhe skuqje apo shfaqje të puçrrave dhe jo vetëm kaq por probleme edhe më serioze. Mjekja dermatologe, dr. Erjona Shehu e ftuar në "Wake Up" u shpreh se që nga fillimi i karantinës e deri më sot janë rritur ndjeshëm pacientët që vuajnë nga sëmundjet e lëkurës, duke filluar nga irritimet, skuqjet, shfaqja e puçrrave e deri tek dermatitet". Në momentin që krijohet një ambient i ngrohtë nga vendosja e maskës, i lagësht aktivizohen mikroorganizmat që ndodhen në lëkurë. Janë pafund individët që kanë probleme me lëkurën. Edhe pse maska na mbron nga Covid19, nuk duhen nënvlerësuar edhe problemet që shfaqen në lëkurë, sepse kjo e fundit është organ ashtu si zemra, truri.Mund të përfundojmë nëse nuk i trajtojmë problemet serioze në terapi të gjata me antibiotikë. Profesionistët e shëndetit kanë qenë ata që kanë vuajtur më shumë nga problemet e lëkurës, tek të cilat janë konstatuar dermatitet e kontaktit. Gjatë kësaj periudhe është e vështirë t'i shmangim këto probleme sepse me maskën mund të bashkëjetojmë gjatë, edhe dy vjet deri sa të dalë vaksina. Është e rëndësishme që mos të përdorim formulat popullore , apo këshillat shoqërore. Të përdorim kremra hidratues, apo ushqyes ndërkohë që maskat e pambukut janë ato që rekomandohen më shumë për njerëzit që kanë probleme me lëkurën. Për meshkujt me mjekër, duhet të ndërrojnë pak stilin për të shmangur problemet"- u shpreh mjekja dermatologe , Erjona Shehu.