Ka kaluar pjesën e artë të karrierës së tij si futbollist në Itali dhe prej vitesh jeton përtej Adriatikut, (Itali), por megjithatë shpesh udhëton drejt Tiranës mbi angazhimet e tij të reja. Po flasim për ish futbollistin Erjon Bogdani, ndër ish – sulmuesit më të komentuar të kombëtares shqiptare, ku në vitin 2013 lajmëroi tërheqjen zyrtare me kombëtaren duke mbyllur një epokë legjendare me 18 gola në 74 paraqitje. Bogdani ka qenë lojtarë i kombëtares shqiptare për plot 19 vite. Kujtojmë se debutimi i parë i tij ka qenë në vitin 1996. Në vitin 2011 ai u bë golashënuesi më i mirë i të gjitha kohërave i kombëtares. Kujtojmë se Bogdani pasi ishte fillimisht pjesë e stafit të përfaqësueses A nën drejtimin e Xhani De Biazit, ai u bë për dy sezone trajneri i përfaqësueses U19.