COVID-19 tashmë ka marrë një përhapje edhe më të madhe në vend , me vatra të reja, numër gjithnjë e më të lartë infektimesh, fatkeqësisht edhe vdekje që rriten çdo 24 orë. Por duket se përballë kësaj panorame që raportohet nga autoritetet e shëndetësisë, të gjithë vazhdojnë aktivitetet e përditshme. Me hapjen e transportit publik, tashmë i gjithë vendi rezulton i hapur pas periudhës disa mujore të karantinës. Më herët edhe nga ekspertët e shëndetit por edhe mjekët infeksionistë u tha se do të duhej të bashkëjetonim me virusin, por si po zbatohen rregullat në këtë bashkëjetesë të përditshme... a duhet të jemi të informuar për vendet apo aktivitetet që na rrezikojnë më shumë nga COVID-19 dhe cilat janë ato më pak të rrezikshme .... Së fundimi, Shoqata Mjekësore e Teksasit (Texas Medical Association) ka publikuar një listë për rrezikun e ekspozimit ndaj COVID-19 gjatë aktiviteteve të jetës së përditshme. Sipas ekspertit të shëndetit publik Erion Dasho ja cilat janë ato aktivitete të përditshme që na rrezikojnë më shumë në vendin tonë. Eksperti bën listën e mjediseve ku rrezikojmë infektimi më shumë duke filluar nga më të shumë të rrezikshëm tek më pak të rrezikshme.