Evropa po përballet me një rikthim të shifrave të larta të personave të infektuar me Covid19. Në Angli, Francë, Spanjë po rishikohen masat kufizuese. Duke filluar që nga sot Parisi do të mbyllë të gjitha baret, ndërkohë që do të ashpërsohen masat të paktën për dy javë njoftojnë autoritetet e shëndetësisë. Ndërkaq Spanja do të aplikojë masat e bllokimit. Madridi dhe nëntë komuna përreth do të mbyllin kufijtë për të huajt për vizita jo-emergjente, por do të lejohen udhëtime për punë, shkollë, takime mjekësore dhe blerje. Vëmendja e ekspertëve të shëndetësisë është përqendruar në parashikimet për muajt e ardhshëm ( nëntor-dhjetor) të cilët përkojnë dhe me periudhën e gripit sezonal. Nuk dihet ende se si do të sillet virusi tek pacientët që njëkohësisht mund të jenë prekur edhe nga gripi. Shumë vende kanë filluar fushatën e vaksinimit ndaj gripit sezonal përfshirë edhe vendin tonë. Në vend numri i testimeve është rritur krahasuar me muajt e fillimit, aktualisht numri arrin mbi 960 teste në 24 orë. Por a është i mjaftueshëm ky numër, si janë pritshmëritë për vendin tonë duke u referuar edhe trendit në rritje nga Covid19 edhe në Evropë.