Eranda Libohova, një ndër këngëtaret më të mira, ishte sot e ftuar në "Wake Up" për të promovuar klipin e saj më të ri me titull "Ego". Ajo tregoi se teksti i kësaj kënge i kishte pëlqyer që në fillim pasi ishte si një dashuri me shikim të parë. Eranda na tregoi edhe për prapaskenat dhe vështirësitë e xhirimit në lumin e Shalës. "Kam vuajtur sepse kam ecur 1 orë e gjysmë në lum, nuk e dija që do hyja e do dilja aq shumë herë, hiq sandalet, vish sandalet..."-u shpreh Eranda. Ajo shtoi se edhe diellin nuk e kishin në favor sepse iu binte në fytyrë. "Po ta shikosh me vëmendje dukem si e lëshuar në klip. Nuk jam tip i brishtë por kur bëhet fjalë për punë dua të mbaroj në kohë..."-përfundoi këngëtarja.