Epidemiologu i njohur në vend, ish drejtues i ISHP-së para pak ditësh, doktor Eduart Kakarriqi u shpreh se virusi në vendin tonë mund të ketë qarkulluar që në muajin janar, kjo për faktin se OBSH vetëm me datën 27 shkurt sipas tij publikoi përkufizimin e rastit për pacientët me sëmundje Kovid-19. Ky përkufizim rasti i munguar për të gjithë vendet mund të jetë një bazament që të tregojë se vërtet ka pasur një qarkullim të Kovid-19 duke filluar që në janar u shpreh epidemiologu, duke theksuar se raste të pacientëve me simptoma të ngjashme me Kovid-19 ka pasur që në fillim të vitit. Po ashtu edhe Ministri i Shëndetësisë së Maqedonisë së Veriut, Venko Filipçe tha të premten se virusi mund të ketë qarkulluar që me dhjetor të vitit të shkruar duke iu referuar asaj çfarë kishte konkluduar autopsia e një gruaje te vdekur në atë periudhë "Më 14 janar OBSH tha se kjo nuk është një sëmundje që transmetohet nga njeriu te njeriu, kështu që duhet të kuptojmë se shumë shtete të botës nuk ishin aq alert duke marrë informacione të gabuara që virusi nuk transmetohej. Por për të vërtetuar nëse ky virus ka qarkulluar shumë më herët është testi i antitrupave. Pra nëse antitrupat që luftojnë Kovid-19 janë të pranishme në trupin e njeriut do të thotë se ky person ka kaluar këtë virus dhe ka krijuar imunitet që dy muaj përpara dhe jo tani në këtë valë epidemie. "De fakto" Gjermania e ka nisur këtë testim duke e filluar nga mjekët dhe shumë spitale po identifikojnë personelin që ka kaluar këtë virus dhe ka pasur raste pozitive. Pra Gjermania jep prova që ka pasur raste shumë më herët. Dhe Gjermania ka filluar që në 2 janar testimet në popullatë për Sars-Kov2."-tha Alimehmeti.