Një raport i fundit i Entit Rregullator të Ujit (ERRU) tregon se rritja e tarifave të ujit nga ndërmarrjet e ujësjellës-kanalizimeve është përkthyer pak apo aspak në tregues realë të përmirësuar. Ujësjellësit nuk kanë bërë asnjë përparim domethënës ndërkohë që lidhur me mbulimin e kostove që është edhe kryefjalë e reformës që ka nisur prej dy vjetësh, ka pasur përkeqësim në vitin 2019 në raport me vitin 2018. Domethënë, çmimi i ujit është rritur, por ne përsëri nuk kemi ujë! Ujësjellësit sipas Entit vazhdojnë të shërbejnë si institucione për punësime partiake diçka e vënë re edhe në vitin 2019. Shoqëritë UK janë të mbingarkuara me punonjës të pajustifikuar, rritja e të cilëve është evidente sidomos në vitet zgjedhore siç ishte viti 2019.