Wake Up/ Egbo për fitoren e Tiranës: Është klubi më i madh në Shqipëri. Tani kemi festën e Kupës

Emmanuel Egbo, trajneri i KF Tirana, ishte sot i ftuar në "Wake Up" për të folur lidhur me fitoren e ekipit për herë të parë pas 11 vitesh. Po ashtu kjo është hera e parë që një trajner i huaj me ngjyrë arrin të kalojë një ekip në Champions League. Ai ka treguar se ka patur shumë intervista në Afrikë por edhe në Evropë dhe shumë prej tyre i ka refuzuar. "Është klubi më i madh në Shqipëri, ka shumë tifozë, është ndjesi e veçantë për ne dhe festa vazhdon. Shpresojmë që të marrim edhe kupën e Shqipërisë të dielën"-u shpreh trajneri Egbo. Duke qenë shumë besimtar dhe modest në punën e tij, Egbo tha se mbi të gjitha është merita e zotit për këtë fitore. Ndërkohë vetëm një natë më parë ekipi i Tiranës dhe mbështetësit e tyre kanë festuar për këtë fitore deri në orët e para të mëngjesit.