Trajneri i ekipit të Tiranës, Emmanuel Egbo, komentoi sot në "Wake Up" për intervistën e dhënë pak ditë më parë në "BBC Sport". Në mbarë mediat qarkulloi lajmi se nigeriano-shqiptari ishte shprehur se në Shqipëri ka racizëm dhe i ka rastisur që të fushë t'i hedhin banane e ta fyejnë. Por sot ai tha se deklarata e tij ka dalë jashtë kontekstit, është ekzagjeruar shumë. "E pranoj që i kam thënë ato fjalë por vetëm 1 përqind e shqiptarëve mund të jenë racistë. Unë kam gati 20 vjet këtu dhe kam kaluar një jetë të mrekullueshme".- u shpreh i emocionuar shpreh Egbo. Ai shtoi se 99 përqind e shqiptarëve janë si familja e tij e dytë pasi e kanë respektuar shumë. "Ka ndodhur para shumë vitesh, kur Shqipëria sapo ka dalë nga komunizmi. Shumica nuk kishin pasur kontakte me njerëz me ngjyrë dhe vepronin nga injoranca apo nga padituria."-përfundoi Emmanuel.