Qytetarë të Durrësit dhe aktivistë po kërkojnë gjithnjë e më me ngulm që Bashkia Durrës të bëjë transparencë për projektet e saj që ndërhyjnë në infrastrukturë. Ata kërkuan që rrugët të mos riparohen disa herë, por të realizohen investime të studiuara mirë dhe cilësore. Grupimi “Bicycle Durrës” ka ngritur zërin për mungesën e korsive dedikuar biçikletave në rrugët që po rikonstruktohen. Në formë simbolike pedaluesit para pak ditësh u shtrinë në tokë, me një trëndafil në duar, në kujtim të të gjithë viktimave që kanë humbur jetën gjatë përdorimit të biçikletës në rrugët e Durrësit.