Rastet që po përhapen me shpejtësi në Itali, kanë shtuar masat në pikat hyrëse me Shqipërinë si nga deti edhe nga toka . Porti i Durrësit është një nga pikat hyrëse me të rëndësishme për lëvizjen e pasagjerëve mes dy vendeve, ndaj për këtë arsye sipas autoriteteve të shëndetësisë janë shtuar masat për kontrollin e të gjithë udhëtarëve dhe në veçanti të atyre që shfaqin simptoma të ndryshme në veçanti temperaturë të lartë. Ditët e fundit është vënë re dhe një shtim i numrit të pasagjerëve që kanë hyrë në vend. Nga Porti i Durrësit, kishim në një lidhje direkte gazetaren e Top Channel, Vali Qyrfyçi dhe ndihmë mjekun e taskforcës Robert Agolli që vepron në këtë port. Në atë moment sapo kishte mbërritur trageti i parë me pasagjerë nga Italia dhe ndoqëm live kontrollet që iu bënë qytetarëve.