Brenda Arkivit Qendror Shtetëror të Filmit ruhet e gjithë trashëgimia filmike shqiptare dhe shumica prej këtyre materialeve është në një kopje të vetme. Vetëm filmi "Tomka dhe shokët e tij" është i ruajtur në dy arkiva, në atë të Filmit në Shqipëri dhe në Arkivën e Bibliotekës së Kongresit Amerikan. Dhe kjo është një gjë e rrallë. Pra vetëm nëse bota zhduket mund të zhduket ai film. Filmi Skënderbeu ndërkohë është në dy variante restaurimi; varianti shqiptar dhe ai rus. "Rusët kanë versionin e tyre të restaurimit të filmit Skënderbeu, ndërsa versioni që bëmë ne shqiptarët "guxuam" dhe prishëm audion e atij filmi nga origjinali. Restaurimi ka etikë të caktuar profesionale, ne nuk kemi të drejtën që me sytë e sotëm të ndërhyjmë në variantin origjinal dhe ta prishim atë"- tha drejtoresha e Arkivit të Filmit, Iris Elezi."