Franca ka vendosur që deri në 11 maj të qëndrojë e mbyllur ndërkohë që autoritetet i tremben një vale të dytë të shpërthimit të epidemisë së KOVID-19 dhe vendimi i prerë se nëse do të lehtësohen masat do të vendoset në fillim të muajit maj sipas trendit të shifrave epidemiologjike ashtu si po bëjnë në fakt shumë shtete të tjera. "Jeta duhet të vazhdojë. Kjo nuk do të thotë të mos jemi të kujdesshëm përkundrazi duhet shtuar më shumë kujdesi por për mendimin tim izolimi nuk duhet të vazhdojë të paktën në formën e tij strikte. Unë do të cek tre arsye kryesore pse: Së pari prej pasojave ekonomike të rënda në gjithë globin. Së dyti gjendjes psikologjike të rënduar të njerëzve. Ka shumë njerëz që kanë jetuar në këtë periudhën e karantinës me psikozën e pandemisë. E treta është rritja e dhunës në familje. Kjo pandemi ka të dhëna të rritjes së dhunës familjare."- tha Dr. Vedat Eljezi, i cili jeton dhe punon në Francë.