Franca renditet i katërti vend në botë me të infektuar dhe viktima nga KOVID-19. Pak javë më parë presidenti Emmanuel Macron ishte i pari ndër liderët evropianë që pranoi se virusi i gjeti të papërgatitur dhe se mjekët u përballën me mungesa të theksuara të mjeteve mbrojtëse,veshje, maska, pajisje respiratore, çka solli dhe një gjendje të rënduar të situatës. Megjithatë si është situata në Francë si po trajtohen pacientët e sëmurë me KOVID, folëm sot me mjekun shqiptar, anestezist-reanimator, doktor Vedat Eljezi. "Trajtimi i KOVID-19 vazhdon të jetë akoma simptomatike. Aktualisht ne nuk kemi një armetë fuqishme për të bërë trajtime biologjike të mirëfilltë, pra të godasim direkt virusin. Duhet të theksoj se deri në momentin që po flasim nuk ka dhënë efekte trajtimi të mjaftueshme për t'u konsideruar si trajtim bazë për KOVID-19. Unë dua të ndaj me ju dy publikime franceze që kanë ngritur polemika këtu. Trajtimi i parë i përdorur në spitalet e Marsejës ësht ai me, hidroksiklorikinë (hydroxychloroquine) dhe azitromicinë (azithromycin). Ideja e këtij trajtimi në fakt është shumë i qëlluar mirëpo ndoshta nga nxitimi për ta bërë publike këtë trajtim pa e argumentuar mirë solli që askush nga bota mjekësore nuk e besoi dhe nuk e mori seriozisht. Dhe gabimi i dytë që u bë me këtë trajtim ishte se ky trajtim u përdor vonë, kur pacienti ishte bërë për reaminacion. Unë mendoj se është vonë të fillohej me këtë trajtim kur pacienti kishte shkuar në fazën e reaminacionit. Trajtimi i dytë që vjen nga spitali i Parisit, dhe është ai me tocilizumab. Medikamenti në fjalë përdoret për trajtimin e artritit."- tha Dr. Vedat Eljezi.