Për shkak të shqetësimit psikologjik dhe stresit të punës në distancë në këtë kohë pandemie, konsumimi i dhëmbëve mund të bëjë kritike sëmundjen e periodontit, ose ndryshe të mishit të dhëmbëve e cila dëmton forcën e dhëmbëve, të cilat mund të çojnë në probleme më serioze për ne si: dhimbje nofullash, ndjeshmëri të dhëmbëve deri në shfaqjen e migrenës. Por si paraqitet situata në vendin tonë, a drejtohemi në kohën e duhur tek dentistët apo vazhdojmë me idenë se vetëm kur kemi dhimbje duhet ta shohim derën e mjekut. Doktor Roland Zhuka, Drejtor i Klinikës Stomatologjike në spitalin Hygeia, "Hygeia Dent" tha se në këtë periudhë ka një rritje të numrit të pacientëve që kërkojnë ndërhyrje përsa i përket Cosmetic Dentistry ose siç njihet ndryshe kozmetika dentare. Në intervistën e tij Dr. Roland Zhuka zbuloi një risi për të gjithë prindërit. "Nëse dëshirojnë prindërit dhëmbët e qumështit që u heqin fëmijëve mund ti depozitojnë në një bankë sepse ato mund të vlejnë në një të ardhme për të kuruar sëmundje që mund të shfaqen tek ata fëmijë të rritur, dhe ky është një shërbim që e ofron vetëm Hygeia Dent.