Dr. Qemajl Aliu prej 18 vitesh jeton në Tiranë dhe aktualisht është në krye të detyrës për të ndihmuar pacientët e prekur me Kovid-19, ku në fakt duhet të kujtojmë se në ketë “betejë” ka pasur disa mjekë dhe infermierë të infektuar, por që fatmirësisht ia kanë dalë. Si mjek intern, specialist i sëmundjeve të brendshme në Spitalin “Shefqet Ndroqi” ai na dha sot një panoramë se çfarë ndodh aktualisht në me të infektuarit me Kovid -19 në Spitalin Universitar, “Shefqet Ndroqi” në Tiranë ose thënë ndryshe në spitalin Covid 2. "Aktualisht që po flasim janë të shtuar 9 pacientë ku 5 prej tyre janë në terapi intensive, 3 nga të cilët janë të intubuar. Janë dhe rreth 12 pacientë të tjerë ku disa prej tyre janë me pleumoni atipike që klinikisht dhe radiologjikisht dyshohen për Kovid-19 edhe pse në analizat me tampon rezultojnë negativ. Kujtoj se në spitalin tonë në fund të marsit është bërë një ndërhyrje kirurgjikale abdominale tek një paciente me Kovid dhe jo më larg se dje është bërë koronografia e parë e një pacienti rreth moshës 60 vjeçare me Kovid."- tha Dr Aliu