Shqetësues në këtë situatë të përhapjes së virusit për Dr Ilir Alimehmetin është padyshim paniku në popullatë. Ai e shpjegon gjithë situatën që po krijohet dhe pasojat e saj me një shembull të thjeshtë: "Ta supozojmë si një situatë brenda familjes. Ta zënë se popullata janë fëmijët dhe prindërit janë, sistemet drejtuese dhe media. Nëse fëmija na pyet diçka për vdekjen prindi me ndjesinë dhe kujdesin prindëror ia shpjegon fëmijët, ndoshta jo me detaje një herë se çfarë është vdekja. Kjo ndodh edhe me Kovidin; Populli (fëmija) ka të drejtën e vet të pyesë dhe të marrë informacionin e duhur për virusin. Por imagjinoni pak sikur ky prind në mënyrë të vazhdueshme flet 24 orë në ditë vetëm për vdekjen nga virusi. Kuptoni tani se çfarë pasojash do të ketë kjo te fëmija pas 2 ose 3 javësh. Ndaj ka raste që ky panik shoqërohet edhe me raste te vetëvrasjeve, siç ka ndodhur në Itali, Gjermani etj. OBSH që tani ka ngritur alarmin. Drejtuesit e saj thonë se rreth gjyma e popullatës ku Kovidi ka qenë i pranishëm kanë për të pasur probleme të shëndetit mendor në të ardhmen. Dhe shëndeti mendor zgjat në kohë nuk vjen me një valë epidemike."