Maqedonia e Veriut ka ashpërsuar masa për qytetarët për të minimizuar rrezikun nga Kovid-19. Një prej masave atje është jo vetëm vendosja e vendit në karantinë me fasha orare ashtu si në Shqipëri, por detyrimi me ligj për vendosjen e maskave dhe dorezave siç janë tregjet, dyqanet, bankat, zyrat postare, institucionet shtetërore dhe shëndetësore, transporti publik. Madje për ata që nuk e zbatojnë masa administrative shkon në 20 euro. Mjeku Genc Selmani i cili është njëkohësisht dhe këshilltar i kësaj komune nuk bie dakord me këto masa. "Sikur shteti të furnizonte të gjithë popullatën me maska dhe doreza kjo masë detyruese do të ishte shumë e mirë. Por kur dalin ministrat e pushtetit dhe promovojnë maskat artizanale kur dihet që maskat artizanale nuk të mbrojnë përkundrazi mashtrojnë qytetarin se është i mbrojtur por mund ta bësh viktimë potenciale të këtij virusi, atëherë nuk di të them nëse është efikase kjo masë e marrë në Maqedoninë e Veriut"- tha mjekut Genc Selmani.