Në lidhje me deklaratën e Ministres së Shëndetësisë se; "nëse do të ketë mbingarkesë në spitale mjekët do të duhet të përzgjedhin pacientët që do të kenë përparësi në trajtim", mjeku infeksionist Arjan Harxhi u shpreh se kjo është një çështje etike. "Nuk komentoj deklaratën sepse kjo është një çeshtje etike. Profesorët e mi nuk ma kanë mësuar këtë gjë, as unë studentëve të mi nuk u mësoj që pacientët duhen përzgjedhur. Janë çështje të ndërlikuara. Ndoshta është një mesazh sensibilizues që me Covid-19 nuk bëhet shaka, sepse është një sëmundje vdekjeprurëse dhe shkenca nuk ka gjetur një fishek të artë për ta zgjidhur këtë situatë. Nëse do më pyesni për izolimin, unë si mjek e shoh si një zgjidhje për frenimin e sëmundjes, por vendimi i takon instancave që merren me drejtimin e vendit, atij që ka çelësat.”- u shpreh mjeku infeksionist.