Vetëm gjatë dy viteve të fundit, Komisioneri për Mbrojtjen nga Diskriminimi ka marrë 123 ankesa nga punonjës të administratës publike për diskriminim për shkak të bindjeve politike, ku në 44 raste ose 34 % të totalit, Një rast konkret i ndjekur nga Komisioneri për Mbrojtjen nga Diskriminimi ka qenë ai i një punonjësi të Galerisë së Arteve, i cili për shkak të bindjeve të tij politike u zhvendos me zyrë nga drejtuesi i ri i Galerisë. Rasti i Hysen Hajdaraj, përgjegjës për sigurinë dhe mirëmbajtjen për më shumë se një dekadë në GKA, kishte konflikt 1-vjeçar me drejtuesin e GKA-s Erzen Shkololli. Hajdaraj ka bindje politike të djathta, por ato nuk e penguan më parë që të merrte vlerësime profesionale pozitive nga drejtorë të njëpasnjëshëm të Galerisë. Në mes të vitit 2019 drejtori i i ri i dha dy paralajmërime për largim nga puna dhe e transferoi Hajdarajn me zyrë në një magazinë në katin përdhes të galerisë; pa dritare, pa ajrim dhe gjithashtu me një gropë septike të hapur.