Në 8 nëntor, u përurua në Durrës, “KinFolk Coffee Library” sipërmarrja e dytë sociale në një pronë të konfiskuar nga krimi i organizuar në qytetin e Durrësit, në kuadër të projektit “C.A.U.S.E. - Përdorimi i Pronave të Konfiskuara për Sipërmarrje Sociale”. Një pronë e sekuestruar nga shteti si aset kriminal është shndërruar në një ambient të ri social nga një grup të rinjsh të mbështetur nga zyra e Bashkimit Evropian: Nga disko është kthyer në një kafene bibliotekë që synon të kthehet në një hapësirë mendimi e diskutimi. Kinfolk Coffee Library – Iniciativa sociale si një masë për parandalimin e përfshirjes së të rinjve në krim në qytetin e Durrësit, është një vend ku të rinjtë dhe studentë të Universitetit Aleksandër Moisiu do të socializohen, lexojnë, studiojnë dhe organizojnë aktivitete të ndryshme social-kulturore. Kinfolk ndër të tjera shërben me aktivitetet e tij për integrimin dhe punësimin e të rinjve pjesë e Shërbimit të Provës.