Familja Qerimaj ose ndryshe familja e artistëve të mëdhenj është familja më e dashur e skenës shqiptare dhe këtë e ka treguar kohë pas kohe. Sot ne do të ndalemi tek brezi i tretë i kësaj familje, pikërisht tek violinistja dhe këngëtarja Kloudennas Qerimaj. Ajo ka filluar të këndojë që në moshën 4 vjeçare dhe më pas ka ndjekur liceun artistik për violinë, ku pas diplomimit në Tiranë ndoqi në Itali, konservatorin shtetërorë të Triestes Giuseppe Tartini ku u diplomua me rezultatin më të lartë që jep shteti italian për studentet 110 Lode dhe Titull Nderi. Kloudennas jeton në Itali, por aktualisht për shkak të situatës ka zgjedhur të qendrojë pranë familjes në Shqipëri, ku ka sjellë disa bashkëpunime me babain e saj Bruno Qerimaj. Disa nga këngët më të bukura popullore qytetare ndër vite i kanë sjellë në versionin e ri, modern, siç edhe ata i quajnë, për të cilat do të na rrëfejë vetë Kloudennas.