Për herë të parë në Kinë që nga shpërthimi i koronavirusit në muajin dhjetor, me datë 18 mars është raportuar për zero raste të reja me koronavirus. Kina nuk ka raportuar transmetime të reja brenda vendit të Covid-19, duke dhënë kështu një lajm shumë të rëndësishëm në luftën kundër kësaj pandemie. Komisioni kombëtar i shëndetësisë së Kinës, të mërkurën me datë 18 mars në qytetin Wuhan të Hubei, ku shpërtheu pandemia në fund të vitit të kaluar, ka hequr masat e marra duke lejuar që njerëzit të lëvizin pa problem nga shtëpitë e tyre për të kryer “aktivitete personale” individuale apo në grupe. Në zonat që kanë qenë pa infeksione për shtatë ditë rresht, banorët mund të dalin lirshëm për sa kohë që nuk mblidhen në grup. Zyrtarët thanë që 5.600 zona banimi, ose 78% e zonave të banuara në qytet nuk kanë më raste të pacientëve me virus. Por për ta prekur më nga afër situatën aktuale në Kinë dhe për t’u përditësuar ne ishim në një lidhje skype me studenten shqiptare, Sidorela Cara e cila jeton prej 6 vitesh në Pekin.