Kroatët votuan këtë të diel për qeverinë e re. Zgjedhjet e parakohshme janë fituar nga partia që ishte në pushtet, por mes 151 deputetëve në Parlamentin kroat do të ketë dhe një përfaqësuese shqiptare. Ermina Lekaj-Prljaskaj ka arritur të sigurojë një mandat të tretë si përfaqësuese e Unionit të Shqiptarëve në Republikën Kroate. Ajo është me origjinë nga Kosova dhe prej vitesh tashmë punon për faktorizimin e komunitetit shqiptar në Kroaci, ku shqiptarët janë bërë një faktor shumë i rëndësishëm. Ajo është deputete e pavarur në Parlamentin Kroat që përfaqëson 5 pakicat kombëtare atje: shqiptare, malazezet, boshnjakët, maqedonasit dhe sllovenët. Ky grup që unë përfaqësohet quhet Ish-Jugosllavia se ato pakica përfaqësojmë. "Sfida më e madhe në këtë mandat është përforcimi dhe faktorizimi i komunitetit shqiptar në Kroaci. Ne shqiptarët këtu në Kroaci kemi dhënë një kontribut shumë të madh dhe duam që të jemi pjesë e kësaj shoqërie duke filluar nga Parlamenti deri në qeverisjet lokale ku të mund të përfaqësojnë interesat e shqiptarëve"- tha në një lidhje skype Ermina Lekaj-Prljaskaj e cila si qëllim ka edhe ngritjen e Katedrës së Albanologjisë në Kroaci.