"Epidemia në Shqipëri është një zgjatim i epidemisë në Itali"- kështu deklaroi sot në Wake Up epidemiologu, Alban Ylli. Ai tha se, epidemia Covid-19 në vendin tonë mund të konsiderohet edhe e ngjashme me atë që po ndodh tani dhe që nisi qw një javë më parë në Puglia ku qarkullimi është shumë i madh i njerëzve dhe mallrave. "Pra në një farë mënyre në vendin tomë mund të jetë futur në mënyrë intensive virusi nga Italia dhe ajo çka ka ndodhur në Itali me gjithë karakteristikat e virusit mund të reflektohet edhe në Shqipëri por me dallimet shqiptare. Sepse ndryshe nga Italai ne jemi një popullatë më pak e ubranizuar por kemi karakteristika të tjera që kanë të bëjnë me sjelljen tonë"- tha Ylli.