Pak kohë më parë Ministria e Arsimit ka shpallur edhe datën e zgjedhjeve që do të mbahen në universitetet publike. Data 8 maj, do të jetë dita ku do të votohet për drejtuesit e rinj në institucionet e arsimit të lartë publik. Ndërkaq në bazë edhe të udhëzimeve të ministrisë, duket se ka nisur puna nga universitetet ku këto të fundit po miratojnë rregulloret mbi bazën e të cilave do të zhvillohen zgjedhjet, dhe jo vetëm kaq edhe kriteret mbi të cilat do të përzgjidhen kandidatët që do hyjnë në këtë garë për drejtues. Ditën e djeshme është diskutuar në Senatin Akademik të Universitetit të Tiranës në lidhje rregulloren e hartuar mbi bazën e të cilave do të mbahen edhe zgjedhjet në 8 maj. Për detajet rreth këtij dokumenti, dhe çfarë pritet konkretisht nga miratimi i kishim të ftuar, Kryetaren e Komisionit Institucional të Zgjedhjeve në Universitetin e Tiranës, lektoren Majlinda Keta.