Në këtë pjesë të fundit për këtë sezon kemi të ftuar një çift shumë interesant, të cilët me siguri i keni parë kur keni qenë duke u argëtuar në klube të ndryshme. Ata janë partnerë në jetë dhe në profesion dhe po flasim pikërisht për Erida Kadena e cila njihet me emrin e artit, si Miss Rose dhe Arbër Kadena i cili njihet me emrin e artit, si DJ Stone. Arbri ka performuar si DJ, 23 vite më parë ndërsa Erida, bashkëshortja e tij e ka nisur punën si DJ në vitin 2016, pra 4 vite më parë. Duhet të theksojmë se ata nuk e kanë punën si DJ me kohë të plotë (aq më tepër në këtë situatë), pasi secili përgjatë paradites ushtron një profil tjetër, Erida është mësuese e gjuhës angleze ndërsa Arbri menaxher shitjesh. Arbri ka qenë mësuesi i Eridës në profesionin e tyre si DJ. Partnerë në jetë që prej 11 vitesh. Prindër të dy fëmijëve, Beatris 9-vjeç dhe Rayan 3-vjeç. Arbri është shumë i pasionuar, teknik dhe me shumë fantazi. Ndërsa Erida ka virtyte të tjera si DJ. Ajo ka guximin, eksploron në stile te ndryshëm muzikorë, performon dhe e shijon skenën. Erida ka qenë sportiste për 20 vite (kampione e vendit në pingpong për 6 vite)