Prej kohësh tashmë i drejtohemi teknologjisë për të marrë përgjigje të shumë pyetjeve që mund të kemi dhe a e dini se çfarë kërkojnë më shumë shqiptarët përgjatë këtyre ditëve në motorin e kërkimit “Google”? Pikërisht informacione mbi koronavirusin i cili tashmë në mbarë globin ka marrë jetën e mijëra personave dhe shumë të tjerë ndërkohë po luftojnë me këtë virus ende të panjohur, i cili po vret në heshtje. Në 30-ditëshin e fundit ka pasur kërkime mbi koronavirusin në Itali dhe piku i kërkimit për koronavirusin në Shqipëri ka arritur pikërisht me datë 11 marsi dita kur u vendos karantinimi dhe ndalim qarkullimi. Në një situatë të tillë pandemie botërore të gjithë jemi të “etur” për të marrë sa më shumë informacione në motorin e kërkimit “Google”, por për detaje sot kishim në një lidhje skype me ekspertin e teknologjisë, Tomi Kallanxhi. Kërkimet siç shpjegoi eksperti kanë qenë nga më të ndryshmet dhe më të çuditshmet. Korçarët me sa duket kanë qenë më pak të interesuar për të mësuar nga google të rejat për koronavirusin.