Ndërsa për sistemin parauniversitar autoritetet e arsimit vendosën një plan, ku vetëm maturantët do të kthehen në shkolla nga 18 maji deri në 5 qershor, për arsimin e lartë ky është një vendim që ju takon vetë universiteteve në bazë të autonomisë që ato kanë. Në fakt universitetet më në zë , me numrin më të lartë të studentëve të përqendruara në Tiranë kanë nisur nga puna. Universiteti i Tiranës pritet që të marrë një vendim brenda kësaj jave, ndërkohë që Universiteti i Mjekësisë ka vendosur se çfarë do të bëjë me studentët e tij. Ky universitet në kushtet e pandemisë , ka vendosur që të mbyllë vitin akademik nëpërmjet leksioneve online, ndërkohë që provimet e sezonit do të nisin pas 23 qershorit , dhe do të mbahen në disa forma, online ose me shkrim. Megjithatë për të gjitha detajet do të kemi mundësi që të këtë mëngjes folëm me rektorin e Universitetit të Mjekësisë, doktor Arben Gjatën i cili gjatë këtyre muajve është dhe pjesë e ekipit TaskForce për epideminë e KOVID-19.