Majk Çelo është një ndër artistët e rinj që i është bashkuar klasifikimit të "Top Awards" me këngën "C'est la Vie", një bashkëpunim ky me Ledina Çelon. Ai është nipi i saj (halla) dhe duket se e ka të trashëguar talentin për muzikën pasi edhe i ati ka kënduar më herët, kryesisht muzikën klasike. Ai e ka nisur disa vite më parë duke improvizuar muzikë dhe duke shkruar tekste në gjuhën gjermane. Ka kënduar cover-a të ndryshëm dhe vitin e kaluar kompozoi këngën e tij të parë me titull "Lali-lali" e cila është komentuar shumë pozitivisht për stilin e saj. Majkun e kanë pyetur vazhdimisht se kur do të sillte një bashkëpunim me Ledinën, e cila ka qenë frymëzim për të që në fëmijëri. Përtej pasionit për muzikën, ai ka studiuar për Teknologji Ushqimore. Një ndër gjërat që i pëlqen më shumë të bëjë është të udhëtojë në shtete të ndryshme të botës, për të njohur sa më shumë kultura dhe vende të reja.