Ditën e shtunë me datë 18 maj në orën 20:00 skena e artit në Amfiteatrin e Tiranës do të pushtohet nga vlerat dhe traditat, pasi do të mbahet koncerti “Hitet e Veriut”. Një natë vetëm me muzikë folklorike dhe me artistët më të mirë të folklorit. Artistë nga Shkodra, Puka, Kukësi, Malësia, Dukagjini, Tropoja, Dibra, Kruja dhe Mirdita do të sjellin para qytetarëve përveç këngëve të bukura që ka çdo qytet, edhe këngët folklorike dhe ato qytetare të përpunuara që kanë dashurinë e publikut. Këngëtarët pjesëmarrës: Nga Shkodra Bujar Qamili dhe Grupi “Karajfilat që ka Shkodra”; nga Puka Dava Gjergji; nga Kukësi Përparim Brati dhe Hamit Kastrati; nga Malësia Nikoll Nikprelaj; nga Dukagjini Fran Kodra dhe Ndue Shytani; nga Tropoja Zef Beka dhe Gofile Papleka; nga Dibra Lirije Rasha; nga Kruja Kurt Lika dhe nga Mirdita Vëllezërit Lleshi.