Kopshti me dallëndyshe” është shfaqja më e re nga Teatri Kombëtar Eksperimental. Me autor Babis Cikliropulos dhe me regji të Kiço Londos shfaqja do të vijë premierë në datat, 23-24-25 Dhjetor ora 20:00 tek ArTurbina. Por për çfarë bën fjalë kjo shfaqje? Pesë personazhe me probleme mendore të izoluar në një çmendinë nën kujdesin e një psikiatre, gardiane dhe tinëzare, zbukurojnë një bredh natën e krishtlindjeve. Ata nuk kanë asnjë problem mendor dhe aq më pak të jenë të rrezikshëm, pasi problemet e tyre janë shpirtërore. Edhe pse të burgosur në çmendinë ata janë gjithë ëndrra dhe thonë të vërteta të mëdha. Kjo vepër e mbuluar nga humori brilant vjen nën interpretimin e aktorëve, si: Mehdi Malkaj, Naun Shundi, Erand Sojli, Suela Bako, Arjola Demiri dhe Ermira Hysaj. Por sot ne do zbulojmë më shumë nga Dhimitra (Suela Bako) dhe nga Harri (Erand Sojli).