Hyrja nga rrethrrotullimi "Shqiponja" deri tek "Zogu i Zi" do të jetë e bllokuar për 4 muajt në vazhdim për shkak të punimeve që do të zhvillohen për "Unazën e Madhe". Ky bllokim ka nisur një ditë më parë dhe menjëherë është reflektuar me një shtim në trafikut në shumë nga rrugët e kryeqytetit. Tashmë qytetarët që duan të dalin nga Tirana duhet të përdorin rrugën nga "Spitali Ushtarak" ndërsa ata që do të hyjnë duhet të kalojnë nga zona e Astirit. Projekti i Unazës së Madhe kap një vlerë investimi prej 4.9 miliardë lekësh dhe deri tani ëhstë realizuar pjesa më e madhe e tij. Për më shumë ne kemi sot në studio zv.Drejtorin e Autoritetit Rrugor Shqiptar, Erion Kokën i cili do të tregojë më shumë për këtë projekt të rëndësishëm por edhe për alternativat që duhet të zgjedhin qytetarët për të vijuar me hyrjet dhe daljet nga kryeqyteti. Po ashtu përmes operatorit tonë se do ta shoqërojmë bisedën edhe me pamje të drejtpërdrejta nga rrethrrotullimi "Shqiponja" për të parë se si është situata e punimeve dhe qarkullimi rreth e rrotull. Për të gjithë ata që qarkullojnë nga drejtimi i Durrësit në drejtim të Tiranës do të marrin devijimin në të djathtë për pjesën e Pallatit me Shigjeta. Për ata që duan të aksesojnë rrugën “Dritan Hoxha” do aksesohen në semaforin e rrugës “Abedin Rexha” e cila të nxjerr në pjesën e zonës së Helikopterëve dhe me tre rrugët dytësore aksesohen në rrugën “Dritan Hoxha”. Qarkullimi i mjeteve nga rruga “Teodor Keko” për tek rruga “Dritan Hoxha” do bëhet po përmes rrugës “Abedin Rexha”. Pjesa e automjeteve që vjen nga Veri i vendit do të aksesohet nga ana e urës së Babrroit për të dyja drejtimet.