Historia e “skifterit laçjan”, personazhit të famshëm që jetonte duke grabitur shtëpitë e të pasurve italianë, i cili një ditë e sheh veten deputet të parlamentit shqiptar nuk mund të mos thuhet që nuk është një histori reale. Por pavarësisht se çfarë historie reale ka frymëzuar producentin Bes Kallaku, pikërisht këtu zë fill aventura e heroit të filmit "Falco". Dhe në simbiozë me historinë e filmit është përzgjedhur edhe kasta e protagonistëve në këtë film: Bleona Qereti, Arben Derhemi, Albano Bogdo, Olsi Bylyku, Margent Çaushi, Kristi Prenga, Drane Xhai, Behar Mera, Kastriot Shehi, Rashel Kolaneci, Sara Kolami etj. I pyetur për aktorët dhe jo aktorët e kastit se, kush është paguar më shumë e kush më pak, sigurisht që producenti Bes Kallaku u tregua i kujdesshëm të mos japë shifra konkrete. "Di të them që të gjithë kanë qenë të kënaqur me pagesën. Bleonës edhe 10 milion dollarë ti japësh prapë nuk kënaqet, por ajo është natyrë që po e pëlqeu një projekt nuk pyet shumë për pagesën"- tha ai.