Wake Up/ Blendi Gonxhja:TaskForca e transportit, kontroll masave AntiCovid. Problemet e konstatuara

Me shtimin e automjeteve të transport urban dhe atyre ndërqytetase në të gjitha rrethet e vendit janë shtuar edhe kontrollet për respektimin e masave. Më konkretisht do të ndalemi tek TaskForca e transportit rrugor, e cila është çdo ditë në terren për të garantuar sigurinë e qytetarëve gjatë udhëtimit si edhe për të këshilluar ata që nuk i respektojnë masat. Këtë javë ka nisur edhe qarkullimi i urbanëve në kryeqytet dhe shumë qytetarë i përdorin ato si mundësinë më të përshtatshme për të shkuar në punë apo kudo tjetër për të kryer veprimtaritë e tyre. Apeli i vazhdueshëm nga ana e bashkisë dhe institucioneve të tjera përgjegjëse ka qenë për vendosjen e masave dhe respektimin e distancës edhe pse me aq sa kemi vëzhguar është shumë e vështirë kur ka dyndje të qytetarëve. Blendi Gonxhja, Drejtori i Përgjithshëm i DPSHTRR (Drejtoria e Përgjithshme e Shërbimeve të Transportit Rrugor) dha detaje se çfarë ka konstatuar TaskForca në terren, masat që janë marrë dhe a janë ndërgjegjësuar qytetarët për ti respektuar masat "Anti-Covid.