Oferta për punë ka rënë në mënyrë dramatike në të gjithë sektorët, si rrjedhojë e efekteve negative që dha kudo në ekonomi pandemia COVID-19. Të dhënat e para pesimiste erdhën nga Zyra Kombëtare e Punësimit, ku në muajin korrik pati vetëm 272 oferta pune, teksa mesatarja vjetore e ofertave nga bizneset në tre vitet e fundit nga qeveria ishte 35-40 mijë vende pune në vit. Shumica e këtyre vendeve të punës, rreth 90 për qind, ishin për punë që kërkojnë kualifikim të ulët, të tilla si punëtorë krahu, pastrues, punonjës në fasoneri dhe në sektorin e peshkimit. Situata për muajin gusht duket se nuk ka ndryshuar, përkundrazi ndoshta është përkeqësuar për shumicën e sektorëve, për shkak edhe të pushimeve verore. Kastriot Sulka, ekspert i tregut të punës dhe ekonomisë, njëkohësisht drejtor ekzekutiv i Institutit të Ekonomisë dhe Studimeve Sociale shpjegoi Raportin e Zyrës Kombëtare të Punësimit për arsyet e rënies së ndjeshme të ofertës për punë në çdo sektor