Bes Kallaku, djali nga Bubqi ju është gjendur pranë fshatarëve të tij edhe në ditë të këqija. Tragjedia e shkaktuar nga tërmeti i 26 nëntorit, e gjeti Besin të angazhuar maksimalisht që prej asaj dite e deri më tani, duke kontribuar me ndihma, ushqim e gjithçka që kanë pasur nevojë familje të ndryshme në Fushë-Krujë, më konkretisht në fshatin Bubq. "Kishte një vëmendje në ditët e para se kështu ndodh gjithmonë. Por me kalimin e ditëve harrohet situata. Kështu dhe në Bubq. Ditët e para pati shumë njerëz që erdhën dhe dhanë kontribut, por në këto ditë që flasim po vijnë gjithnjë e më pak"- tha aktori i pyetur sesi është aktualisht situata në Bubq. Por ai premtoi se vetë ai nuk do ti braktisë fshatarët e tij dhe do të jetë aty për ti ndihmuar derisa gjendja e tyre të stabilizohet.