Sot në "Wake Up" ishte këngëtari i sukseshëm Bertan Asllani përmes një lidhjeje në skype nga Stambolli ku ai jeton. Të gjithë e mbajmë mend akoma këngën "Akoma të dua", me të cilën ai u bë shumë i famshëm në Shqipëri, 15 vite më parë në Top Fest. "Kisha 8 vite pa bërë një këngë timen në gjuhën shqipe por pandemia më bëri të kem më shumë kohë për veten"- tregoi Bertani. Ai shtoi se këngën e fundit me titull "Fluturojm" e ka realizuar së bashku me klipin vetëm për një javë e gjysmë. Ai foli edhe për pasionin e tij për aktrimin, duke e cilësuar si një gjë krejt tjetër nga muzika por shumë të rëndësishme për karrierën e tij në vazhdim.