Ndryshe nga kryeqyteti një problematikë që po haset në rrethe është mungesa e mjediseve për të kryer mësimin në kushtet e pandemisë, që dikton mes shumë masave edhe distancimin fizik. Ne do të shkojmë në këtë pjesë të programit në qytetin e Elbasanit pasi duket se Bashkia e qytetit i ka dhënë një zgjidhje shumë praktike këtij problemi. Janë rreth 200 shkolla, kopshte e çerdhe të Bashkisë së Elbasanit fillojnë e vitit të ri mësimor 2020-2021. Në një periudhë jo të zakonshme të diktuar nga COVID-19, godinat duhet të plotësojnë kushte shtesë sidomos për sa i përket higjienës dhe ruajtjes së distancës. Për t’i ardhur në ndihmë Zyrës Arsimore Rajonale, Bashkia e Elbasanit ka vënë në dispozicion edhe mjediset e saj si: Teatri Skampa, Pallatit i Sportit, Qendra Rinore etj., në rast se shkollat do të këtë nevojë për ambiente, nisur nga fakti që do të ruhet distanca mes nxënësve.